புட்டு (Puttu) in உணவு (Food)

எடை குறைக்க விரும்புகிறவர்களுக்கு ஏற்றது. பூப்பெய்தும் இளம் பெண்களுக்கு புட்டு சுற்றிப்போடும் பழக்கம் நம் பாரம்பர்யத்தில் உண்டு. மாதவிடாய் காலத்தில் வலியைத் தாங்கும் சக்தியை இது அளிக்கும்; இடுப்பு எலும்புகள் பலம் பெறும் என்பதை நம் முன்னோர்கள் அறிந்துவைத்திருந்தார்கள். கோதுமை, கேழ்வரகில் செய்த புட்டை (சர்க்கரை சேர்க்காத) சர்க்கரைநோயாளிகளும் சாப்பிடலாம். தேங்காயைத் தவிர்த்துவிடலாம். சிறுதானியங்களில் இதைச் செய்து சாப்பிடுவது அதிகப் பலன்களைத் தரும். உதாரணமாக சாமை அரிசியில் இதைச் செய்து சாப்பிட்டால், ரத்தச்சோகை சரியாகும்; வயிறு தொடர்பான பிரச்னைகள், மலச்சிக்கல் நீங்கும்; உயிர் அணுக்களின் எண்ணிக்கை உயரும். பக்கவிளைவுகளை ஏற்படுத்தாத பலம் தரும் உணவு புட்டு. உயர் ரத்த அழுத்தம், சர்க்கரைநோய் உள்ளவர்கள் அரிசி மாவில் செய்த புட்டைத் தவிர்த்துவிட்டு, சிறுதானியங்களில் செய்ததைச் சாப்பிடுவது நலம்.’’